رسالة من “عياشة” وطنية الى المعقد المتسول في الديار الكندية

هاد زكيكو ما بغاش يحشم وحالف ميحشم.  الدودة اللي فيه بقات طالعة طالعة حتى وصلات ليه للمخ. شفنا روتيني اليومي ديال فتيحة و عفناه وقلنا لعن الله الفقر والجهل. ولكن هاد زكيكو راه قاليها متعرفيش وبدا يعفس حتى رجع السكات والكلام الرصين ما يبردش الجوف معاه.

دابا رجعتي معارض سياسي أزكيكو؟ إيوا قل لينا أشمن نيفو عندك؟ يعني عندك شي إجازة أو دكتوراه؟ قاري شي علوم سياسية أو قانونية؟ عندك شي سي ڤي فالأحزاب والحياة السياسية؟ عندك شي نشاط فالمجتمع المدني؟ يا الله أزكيكو… نورنا. واش باغي تنصب على المغاربة بهاد التكلاخ ديالك وبهاد التحماريت العابرة للقارات.؟ راه ميمكنش أحنيني … أمبوسي.

وكيفاش كتسب المغاربة وكتقول “العياشة” ؟  راه المغاربة أزكيكو  كيدعيو مع الملك فصلاتهم  وكيقولو عاش الملك والله ينصر سيدي حتى فالنشاط والشطيح ديالهم … ايوا أوجه الجوع، راه أنا عياشة ولكن وطنية، ولكن نتا “نصاب خائن”… هادشي راه ماشي معيور… هذا حقيقة وبالدليل. ياك شفناك كتقطع الباسبور فالتلفزة الفرانساوية ومن بعد خلصوك على الحصة التنشيطية ديالك… شحال عطاوك من أورو؟ بعتي بلادك والباسبور بثمن ماكفاك حتى باش يطلع ليك الدم فوجهك الجيعان؟ وجاي تعطي دروس فالوطنية؟!!

ياك أوجه البؤس، كتسب العياشة النزيهين والغيورين ونتا كتبزنس وكتبتز الدولة باش تفتح صالة ديال السبور فالشازليزيه!!! ياك حشاوها ليك وصوروك كتشد الفلوس باش تتعرى وتفضح قدام المغاربة والگوار؟ وفين هي النزاهة والمصداقية أزكيكو؟ كتقول بطل… ديالاش؟ ديال النصب والاحتيال؟ وعلى من ؟ على الوطن ؟!

وكتجبد المسؤولين والصحافة والانس والعفاريت… كتحسن باللي كاين حيت فرشوك أزكيكو… واش مازال كتقول أنك بطل؟ واش مكفاكش صحابك فالرياضة فضحوك ومرمدوك؟ راه هادوك اللي معندهم لا ناقة ولا جمل قالو بأنك أكبر كذاب وأكبر خواف مرعود شافوه. رجع للفيديوهات ديالهم باش تتفكر.

وبعدا، آش فهمك نتا فالسياسة والدبلوماسية؟ ياك ما عندك شي دبلوم من هارفارد وحنا مفخبارناش؟ ياك ما عطاوك شي دكتوراه فخرية وشي كاشي فأوطيل جورج سانك وضارب الطم؟ راه هاد فرنسا اللي كتزكك للحكام ديالها  راه جرات عليك أحنيني. راها درّْحاتك ولاحتك عرفتي حتى لين؟ زوينة هاد حطا لين ياك؟؟؟؟ واش اللي مالقات فيه مرتو الخير غدي يترجى منو الخير؟ ياك كتبات ليك كتاب وغامرات معاك وهي عارفاك كذاب وخديتي الفلوس حداها، ومن بعد بقيتي كتسلخ فيها حتى هربات منك؟ وشكون الجلاد دابا أزكيكو ؟ ماشي هو الشماتة اللي كيملخ مرتو؟ أولا تعقدتي بعدما عنقات وباست القلدة فالاوطيل؟ أو حيث عرفاتك معقد نفسي ومكبوت؟ راه داكشي لقطتيه من صغرك أحنيني . راه خاصك علاج نفسي صحيح وشوف تشوف واش ينفع فيك، لأن داكشي اللي شفتيه فصغرك عمرك تنساه وما ينفع فيه لا إبنوز ولا رقية ألمانية ولا دمية جنسية ولا محامي مبزل…حتى لفلوس ميداويوش اللي فيك…

هادشي غير اللي شائع عليك فالمغرب عند العادي والبادي، وحتى إلى كانت المخابرات البانامية هي اللي فضحاتك ، الله يعطيها الصحة حيت شوهاتك وبهدلاتك وخلاتك تقلب على الميكرو وسط رزمة ديال الفلوس. بعدا مخلاتناش نتخدعو فيك وطلعات ليك البنان أحنيني ونتا كتضحك…. أما داك التبرهيش والقمار اللي كدير على حساب المغرب مع العديان الخارجيين والمرتزقة اللي هرب ليهم الفرخ، فراه غدي يخليك تبقى بوهالي وسعّايْ على برّا. و ربعين مليون عياش اللي فهاد الوطن فراهم حامدين الله وعارفين أن الوفاء للوطن معندو ثمن. وبحال قرانك راه هما اللي كيخليونا مجموعين ومتكتلين. ايوا نوض ضرب عليها شي… حدا المراية وجعر فالصميقلي ديال كندا يا الخائن.